Astanada úzdik qurylysshylar marapattaldy
ASTANA. QazAqparat - 2018 jyly Astana óziniń 20 jyldyq mereıtoıyn atap ótti. Astana búkil osy jyldar boıy úlken qurylys alańy boldy. BI Group holdıngi osy ýaqyt ishinde 4,5 mln sharshy metr turǵyn úı jáne ınfraqurylymdar jobalar, 40 myń páter, 1900 km avtojol, 30 kópir jáne 700 km temir jol qurylysyn saldy.
Osydan buryn Astananyń Kongress-ortalyǵynda Qurylysshylar kúnine arnalǵan merekelik kontsert ótti. BI Group-tyń 36 qyzmetkerine úkimettiń qurmet gramotalary men alǵys hattary tabys etildi. 10 qurylysshyǵa «Qazaqstannyń Respýblıkasynyń Qurmetti Qurylysshysy» jáne «Qazaqsta Respýblıkasynyń Qurmetti jolshysy» ataǵy berildi: ýchaske bastyǵy Jumanazar Orynbekov, prorab Aleksandr Solonovıch, logıst Baqdaýlet Maıtıev, master Bolat Imıshev, jol tósemin ornatý boıynsha ýchaske bastyǵy Vıktor Dýdın, qurylys boıynsha basqarma tóraǵasynyń orynbasary Darhan Rahımov, prorab Janyzak Apbozov, prorab Serik Jaqypbekov, bas ınjener Kýljııan Kákisheva, joba jetekshisi Nazım Ramazanov.
Kýljııan Kákisheva BI Group-ta 2006 jyldan beri eńbek etýde: «Maǵan óz jumysym, kompanııam, ujymym óte qatty unaıdy. Búgin de kompanııany bútkil elimiz, tipti sheteldikter de biledi. Elimizdiń barlyq qurylysshylaryn, áriptesterimdi quttyqtaımyn. Bizdiń jasampaz jumysymyzdyń odan ári damı bergenin qalaımyn, óıtkeni biz árbir otbasyǵa baqyt syılaımyz!».
«Qazaqstannyń tarıhynda biz alǵash ret nemis tehnologııasy boıynsha avtoban saldyq, elimizde birinshi bolyp beton salǵysh tehnıkasyn satyp aldyq, beton tóseýdiń jańa tehnologııasyn meńgerdik. Bizdiń jumys óte jaýapty, óıtkeni biz halyq úshin, elimizdiń bolashaǵy úshin qyzmet etemiz. BI Group-tyń uıymshyl komandasynda bolǵanymdy maqtan etemin, Kompanııanyń arqasynda biz Qurylysshylar kúni bir-birimizdi quttyqtaımyz, al quttyqtaýdyń sebebi de bolý kerek qoı, al ol bizde bar», - dedi elimizdiń mańyzdy obektileriniń qurylystaryn júrgizgen Jumanazar Orynbekov.
Kompanııa qurylysshylarǵa arnap qazaqstandyq jáne sheteldik juldyzdardyń qatysýymen merekelik kontsert ótkizdi. Qurylysshylardy sonymen birge «Juldyzaı» qaıyrymdylyq qorynda em alyp, qazir osy medıtsınalyq jobanyń arqasynda aıaǵyna tik turyp ketken Valerııa Han quttyqtady.
BI Group qyzmetkerleriniń kómeginiń arqasynda Qazaqstanda sal aýrýyna shaldyqqan balalardy emdeýde Qor joǵary nátıje kórsetýde - medıtsınalyq-áleýmettik joba Astanaǵa sheteldik ońaltý jáne ortopedııa salasynyń bilikti dárigerlerin ákeledi jáne 5 jylda 468 ota jasalyp, 2,5 myńnan asa emdik sharalar jasaldy. «Juldyzaı» balalar shyǵarmashylyǵynyń festıvali men spartakıadasyna jyl saıyn 10 myńǵa jýyq bala qatysady. Merekelik keshke sondaı-aq qurylys salasynyń ardagerleri, kompanııa seriktesteri, klıentteri, memlekettik organdar men buqaralyq aqparat quraldarynyń ókilderi qatysty.
