Astanada úzdik áleýmettik jobalar kórmesi ashyldy
Osyǵan oraı, arnaıy respýblıkalyq konferentsııa ashyldy.
Máslıhattyń ashylý saltanatynda QR Eńbek jáne halyqty áleýmettik qorǵaý mınıstri Tamara Dúısenova atap kórsetkendeı, áleýmettik sala mamandarynyń merekesine oraı eki shara uıymdastyrylyp otyr. «Birinshisi jarty jyl boıy júrgizilgen «Bárimiz birdeımiz - kemsitýdi bilmeımiz!» atty respýblıkalyq festıvaldiń qorytyndysy bolsa, ekinshisi - úzdik áleýmettik jobalarǵa arnalǵan búgingi ǵylymı-tájirıbelik konferentsııa. Osy eki shara arqyly biz áleýmettik sala mamandarynyń jumysyn jan-jaqty kórsetýdi kózdeımiz», - deıdi T.Dúısenova.
Aıta keteıik, Qazaqstandaǵy úzdik áleýmettik jobalarǵa arnalǵan respýblıkalyq konferentsııada 17 úzdik joba tanystyrylady. Onyń ishinde ata-anasyz qalǵan balalar men múmkindigi shekteýli azamattardy qoldap, jumyspen qamtamasyz etý bastamalary bar.