Astanada úzdik áleýmettik áriptes anyqtalady
Konkýrs jumys berýshilerdi jeke ujymdardyń qyzmetkerleriniń, jalpy qoǵamnyń áleýmettik máselelerin sheshýge yntalandyrýǵa, elordanyń jumyspen qamtý organynda esepte turǵan azamattardy jumysqa qabyldaýdy yntalandyrý arqyly jumyssyzdyqtan áleýmettik qorǵaý mehanızmin keńeıtýge baǵyttalǵan. Іs-sharanyń maqsaty - elordanyń jumyspen qamtý organynda esepte turǵan jumyssyz azamattardy kásiptik daıarlaý, qaıta daıarlaý jáne olardyń biliktiligin joǵarylatý mehanızmderin jetildirý, osy saladaǵy oń tájirıbeni kórsetý jáne keńinen taratý bolyp tabylady.
Konkýrs «Elordanyń úzdik jumys berýshisi», «Jumyssyz azamattardy daıarlaýdy, qaıta daıarlaýdy jáne biliktiligin arttyrýdy júrgizetin úzdik bilim berý uıymy» atalymdary boıynsha ótkiziledi.
«Elordanyń úzdik jumys berýshisi» atalymynda qaladaǵy jumyssyzdar úshin jańa jumys oryndaryn ashýǵa, qyzmetkerlerdi qoldaýǵa, sonyń ishinde eńbekaqy tóleý men eńbek qorǵaýdy uıymdastyrýǵa baǵyttalǵan áleýmettik baǵdarlamalardy iske asyratyn qyzmeti, áleýmettik pakettiń bolýy, qyzmetkerlerdiń kásiptik mashyqtary deńgeıi men biliktiligin júıeli joǵarylatý qyzmeti qaralady.
«Jumyssyz azamattardy daıarlaýdy, qaıta daıarlaýdy jáne biliktiligin joǵarylatýdy júrgizetin úzdik bilim berý uıymy» atalymynda jumyssyz azamattardyń kásiptik deńgeıin joǵarylatýǵa baǵyttalǵan áleýmettik baǵdarlamalardy iske asyratyn, tehnıkalyq jáne kásiptik bilim berý salasynda ınnovatsııalyq baǵdarlamalardy engizýdi júzege asyratyn qyzmet qaralady.
Vedomstvonyń habarlaýynsha, konkýrsqa elordanyń barlyq menshik túrindegi uıymdary qatysa alady.
«Konkýrsqa qatysý úshin ótinimdi jáne materıaldardy, sonyń ishinde: anketa, elordadaǵy áleýmettik ahýaldy jaqsartýǵa baǵyttalǵan áleýmettik baǵdarlama, korporatıvtik áleýmettik jaýapkershilik boıynsha naqty nátıjeler men qyzmeti týraly eseptiń úsh danasyn usyný kerek»,- dep habarlady astana.kz saıtyna basqarmadan.
Ótinimder 1 qarashaǵa deıin qabyldanady.