Astanada uıymdasqan qylmystyq toptyń belsendisi E. Djamalıev ustaldy
ASTANA. QazAqparat - Astana qalasy ІІD Uıymdasqan qylmysqa qarsy kúres basqarmasynyń qyzmetkerlerimen uıymdasqan qylmystyq toptyń belsendisi, 2013 jyly «Kega Shoý Bar» jáne «Kega Mıýzık Bar» túngi klýbtarynyń aýmaǵynda atys uıymdastyrǵan E.Djamalıev qolǵa tústi. Quqyqqa qarsy árekettiń nátıjesinde eki adam jaraqattanyp, taǵy bir azamat esin jımastan aýrýhanada kóz jumǵan.
Astana qalasy ІІD málimeti boıynsha, atysqa qatysqandar - qylmystyq toptyń músheleri anyqtalyp, polıtsııa qyzmetkerlerimen ustalǵan. Sońynan olar qylmystyq jaýapkershilikke tartylyp, uzaq ýaqytqa bas bostandyǵynan aıyrý jazasyna kesildi.
Qylmystyq toptyń belsendisi E.Djamalıev sottyń úkimimen Astana qalasy psıhıkalyq densaýlyq problemalarynyń medıtsınalyq ortalyǵyna qamalyp, jazadan qutylyp ketti.
Aǵymdaǵy jyldyń 20 qazanynda kóńil kóterý ortalyqtarynyń janynda buzaqylyq áreketterin uıymdastyrǵany úshin Respýblıka dańǵylyndaǵy úı aýlasynyń birindegi avtokólik salonynda 6 qarashada saǵat 16.30-da Djamalıev elordalyq polıtsııa qyzmetkerlerimen qaıtadan qolǵa tústi.
Osy fakt QR QK 293-baby 3 t. boıynsha sotqa deıingi tergeýlerdiń birińǵaı tirkeýine alyndy. Tergeý amaldary júrgizilýde. Qolǵa túsken azamat Ýaqytsha ustaý ızolıatoryna qamaldy.
Qolda bar jedel aqparattarǵa qaraǵanda, qoǵamǵa qaýipti dıagnozben jabyq túrdegi statsıonarda emdeýde bolǵan E. Djamalıev ýaqytta qatań tyıym salynǵanyna qaramastan emdeý ornynan únemi shyǵyp júrgen.
Osylaısha E. Djamalıev qylmystyq topqa jetekshilik etýin jalǵastyrǵan.
Qazirgi ýaqytta PDPMO medıtsına qyzmetkerlerin jaýapkershilikke tartý suraqtary sheshilýde.
