Astanada úıinde esirtki ósirgen turǵyn ustaldy

ASTANA. KAZINFORM — Astana qalasynda esirtkiniń zańsyz aınalymyna qatysty eki derek anyqtaldy. Bul týraly Polisia.kz jarııalady.  

Elordada prokýratýranyń úılestirýimen ótkizilip jatqan esirtki qylmystaryna qarsy is-qımylǵa baǵyttalǵan 30 kúndik keshendi sharalar jalǵasyp jatyr. Onyń aıasynda polıtseıler eki zańsyz esirtki aınalymy faktisin áshkereledi.

— Alǵashqy jaǵdaıda 30 jastaǵy qala turǵyny ustaldy. Ol esirtki taratýmen qatar, úıinde zańsyz ósirýmen de aınalysqan. Jedel is-sharalar barysynda onyń jeke úıiniń bir bólmesinde marıhýana ósirýge arnalǵan shaǵyn jylyjaı jabdyqtalǵany anyqtaldy, — delingen aqparatta.

Tekserý kezinde polıtsııa 15 túp esirtki ósimdigin, sondaı-aq arnaıy shamdar, jeldetkish jáne temperatýrany ustap turatyn qurylǵylardy tárkiledi.

Al Mańǵystaýda esirtki qylmysyna qatysty kúdikpen eki sheneýnik ustaldy.