Astanada úılerdegi energııa esepteýishterin tirkeý «Astana-AEK» AQ qaramaǵyna ótti
NUR-SULTAN. QazAqparat - Elordada elektr energııasyn esepke alý quraldarynyń kórsetkishterin tirkeý «Astana-AEK» AQ qaramaǵyna ótti, dep habarlaıdy QazAqparat qala ákimdiginiń saıtyna silteme jasap.
Buryn kóppáterli turǵyn úıdegi tutynylǵan energııany esepteý quraldarynyń kórsetkishin «Astanaenergosbyt» JShS baqylaýshylary tirkep kelgen bolsa, endi muny «Astana-AEK» AQ jumyskerleri júrgizetin bolady.
Osy fýnktsııalardy oryndaý úshin «Astana-AEK» AQ-da birqatar shara atqarylǵan. Abaı dańǵyly, 80 mekenjaıynda ornalasqan front-keńsede:
- elektr energııasynyń kommertsııalyq esepke alý quraldarynyń kórsetkishterin qabyldaý;
- elektr energııasynyń kólemin esepteý;
- elektrmen jabdyqtaý shartyn jasasý úshin tutynýshylardan qujattar jınaý jáne ony keıin energııamen jabdyqtaýshy uıymdarǵa berýmen aınalysatyn mamandar otyr.
