Astanada úıdiń shatyrynan 20 jyl izdeýde júrgen adam tabyldy

ASTANA. KAZINFORM – Almaty aýdandyq PB qyzmetkerleri kórshi memlekettiń aýmaǵynda alaıaqtyq áreketterin jasaǵany úshin 20 jyldan astam ýaqyt memleketaralyq izdeýde júrgen Reseı Federatsııasynyń 53 jastaǵy azamatyn ustady.

ІІM baspasóz qyzmetiniń málimetinshe, kúdikti aldymen Qyrǵyzstanǵa qashyp, ol jaqtan Astanadaǵy týystaryna kelgen. Jedel izdestirý sharalarynyń nátıjesinde er adam úıdiń shatyrynan tabyldy.

Qazirgi ýaqytta ony Reseıge ekstradıtsııalaý máselesi sheshilip jatyr.