Astanada úıdiń kireberisinde er adamdy tonap ketti
ASTANA. QazAqparat - Astanada 20 jastaǵy jigitti eki adam tonap ketti, dep habarlaıdy «QazAqparat» HAA elorda ІІD baspasóz qyzmetine silteme jasap.
13 qańtarda «102-ge» qalanyń 20 jastaǵy turǵyny habarlasyp, túngi 00:05-ter shamasynda Máskeý kóshesindegi úıdiń kireberisinde belgisiz eki adam pyshaqqa uqsas zatpen qoqan-loqqy jasap, kúsh qoldaný jolymen jeke zattaryn (uıaly telefon, saǵat), aqshasyn alyp ketkenin aıtqan.
«Jábirlenýshi kezdeısoq adamnyń telefonynan polıtsııaǵa habarlasyp, oqıǵanyń mán-jaıyn aıtty. Polıtsııa qyzmetkerleri beınebaqylaý kameralarynyń kómegimen jedel sharalar qarastyrýdyń nátıjesinde buzaqylyq jasaýǵa kúdiktilerdi ustalyp, Saryarqa aýdany ІІB-ne jetkizdi», - delingen habarlamada.
Atalǵan fakti QR QK 192-baby («Qaraqshylyq») boıynsha Sotqa deıingi tergep-tekserýlerdiń biryńǵaı tizilimine tirkeldi. Tergeý júrip jatyr. Zattaı aıǵaqtar alyndy.
«Astanada ýaqytsha turatyn 21 jastaǵy kúdiktilerdiń biri Jambyl oblysynyń, ekinshisi Aqmola oblysynyń turǵyndary. Olar Astana ІІD ýaqytsha ustaý oqshaýlaǵyshyna jiberildi. Kúdiktilerdiń qala aýmaǵyndaǵy osy sııaqty basqa quqyqbuzýshylyqtarǵa qatysy bar-joǵy tekserilip jatyr», - deıdi vedomstvodaǵylar.
Astana ІІD JBO ınspektorlary táýliktik rejımde jumys isteýde. Ótken jyly beınebaqylaý kameralarynyń kómegimen 500-den astam qylmystyq quqyqbuzýshylyq jáne 75 myńnan astam ákimshilik quqyqbuzýshylyq isi ashylǵan.
