Astanada uıaly telefon tonaýshylar ustaldy
ASTANA. 14 qazan. QazAqparat. Elorda aýmaǵynda «K» esimdi azamat uzaq ýaqyt boıy uıaly telefondardy urlaýmen aınalysqan. Gazdy qarýmen nemese kúsh qoldaný arqyly ol jasóspirimderden uıaly baılanys quralyn tartyp alǵan. Urlaýshy tranzıttik nómiri bar «Aýdı A4» markaly kóligin júrgizgen.
Saqshylardyń jedel qımyldaýynyń arqasynda aram pıǵyldylardyń biri «izi sýymaı» quryqtaldy. Ol birden kinásin moıyndap, kezekti shabýyldyń mán-jaıyn tolyqtaı baıandap berdi. Onyń sybaılasyn tabý úshin «Almaty» aýdany ІІB Tergeý bóliminiń negizgi kúshi jumyldyryldy. Jedel-izdestirý sharasynyń barysynda 1990 jyly týǵan, 2010 jyly QR Qylmystyq Kodeksiniń 175-babynyń 1-bólimi boıynsha sottalǵan, elordanyń «K» esimdi azamaty ustaldy. Jedel-tergeý amaldary barysynda osyǵan uqsas 5 qylmysqa qatystylyǵy bar ekendigi anyqtaldy. Qazirgi ýaqytta ustalǵan tulǵalar Astana q. ІІD Ýaqytsha qamaýda ustaý ızolıatoryna qamaýǵa alyndy. Osy is boıynsha QR Qylmystyq Kodeksiniń 179-baby boıynsha qylmystyq is qozǵaldy. Tergeý júrgizilýde.
