Astanada úı janýarlaryna chıp taǵylyp, elektrondy tirkeýge alynýda
Ár ıtke kúrishtiń jarnasyndaı elektrondy pasport berilýde. Jyl basynan beri Astanada ıt pen mysyqty chıpteý jobasy iske qosylǵan. «Astana vetservıs» veterınarııa mekemesiniń bólim basshysy Erlan Zıkıbaevtyń aıtýynsha, chıpteý - eń aldymen janýarlardy esepke alýdy birizdendirý. Osynyń arqasynda joǵalǵan úı janýarlaryn izdeý, tabý jeńildeıdi.
«Chıpteý degenimiz - bul elektrondy pasport, ol janýardyń organızmine jasandy túrde ornatylyp, úı janýarymen birge ómir súredi. Bunyn eń basty qajettiligi - eger janýar joǵalsa, ony osy chıp arqyly tabýǵa bolady», - deıdi E. Zıkıbaev.
Veterınardyń aıtýynsha, osy jobany iske qosqaly beri shamamen 1600 ıtke chıp taǵylǵan. Veterınarlar kúnine 20 úıdi aralap, shamamen 40-qa taqaý ıt pen mysyqqa chıp taǵady.
«Bul úıdegi ıttiń aty - Charlı. Veterınar hattama toltyrýda. Onda janýardyń ıesi jáne ıt týraly málimet bolady.
2 mınýt ishinde jumys aıaqtaldy. Endi Charlıge engizilgen chıpte ol týraly tolyq aqparat bar, onyń aty, meken-jaıy, tuqymy, jasy jáne ıt ıesiniń JSN da kórsetilgen. «Endi ıtim joǵalyp ketse de, ýaıymdamaıtyn boldym. Qurylǵy arqyly birden tabamyn» deıdi ıt ıesi. Eger chıp taǵylǵan ıt joǵalyp, ony veterınarlar ustap alsa, chıpti skanerleý arqyly ol týraly bar aqparatty bile alady.
«Adamdar «chıpte gps-navıgator bar ma?» dep suraıdy. Olar óte úlken, ol ıttiń qarǵybaýyna ornatylady. Biraq olar mysaly, tabıǵat aıasynda erkindikte júrgen janýarlardy zertteý úshin, ǵylymı tájirıbe júrgizý úshin qoldanylady. Olar 2-3 jylǵa jetetin qýattaǵyshpen jabdyqtalǵan», - deıdi maman.
«90-shy jyldary chıpteý óte qymbat boldy, qazir klınıkada jasatsańyz, arzan. Astanada 11 jekemenshik veterınarlyq klınıka bar. Olarda chıpteý aqyly. Al, «Vetservıste» tirkeý, sondaı-aq, chıpteý, qutyrýǵa qarsy egý, gelmıntterge qarsy tabletka egý - tegin», - deıdi bólim basshysy Erlan Zıkıbaev.
Veterınarlar jyl sońyna deıin 8 myń ıtti qutyrmaǵa qarsy egip, 6 myń ıtke chıp taǵady.
