Astanada úı janýarlaryn tegin chıptendirý jumystary jalǵasýda
ASTANA. QazAqparat - Astanada ıt pen mysyqtarǵa tegin chıp ortaný jumystary jalǵasýda. Búgingi kúni baǵdarlama aıasynda 1134 tórt aıaqty tegin chıppen qamtyldy, dep habarlaıdy QazAqparat Elorda Info saıtyna silteme jasap.
«Astana ákimdigi bıyl úı janýarlaryna arnap 6 myń chıp bóldi. Olardy ortaný «Astana Vetservıs» bazasynda júrgiziledi. Qazirgi kúni qalada 1134 ıtke chıp engizildi. Áli 4 myń 900-ge jýyq bos chıp bar», - dedi elordanyń Qalalyq ortany regeneratsııalaý basqarmasynyń veterınarııa jáne ósimdikterdi qorǵaý bóliminiń bas mamany Ásem Mýsına.
Sonymen qatar, ol atalǵan naýqan aǵymdaǵy jyldyń sońyna deıin jalǵasatynyn aıtty.
«Budan bólek, vetırınarlyq klınıkalar aqyly negizde chıp ortaný qyzmetin kórsetedi. Klınıkalardyń belgilengen tarıfi bar. Alaıda, elorda turǵyndary bul qyzmetti úı janýarlaryn chıptendirý baǵdarlamasy sheńberinde tegin ala alady», - dedi ol.
Aıta keteıik, elorda ákimdigi Astanada úı janýarlaryn chıptendirý jumysyn júrgizip jatyr. Atalǵan baǵdarlama qaladaǵy tórt aıaqtylardyń naqty sanyn anyqtaýǵa járdemdesedi. Sondaı-aq olar joǵalyp ketkende nemese ıt aýlaýshylardyń qolyna túsken kezde janýardy anyqtaýǵa jáne ıesine qaıtarýǵa múmkindik beredi.
Tegin chıp ornatý qyzmetin alý úshin janýardyń tólqujatymen birge «Astana Vetsersıs» MKK barý kerek. Tólqujat bolmaǵan jaǵdaıda ony chıptendirý protsesi kezinde rásimdep alýǵa bolady.
Baǵdarlama 2018 jyldyń 31 jeltoqsanyna deıin jalǵasady.
