Astanada úı qyzmetshisi jumys berýshilerinen quny 40 myń dollardy quraıtyn múlikti jymqyrǵan
ASTANA. 17 shilde. QazAqparat – Elordalyq tártip saqshylary úı qyzmetshileri men bala baǵýshylardyń jeke múlikti urlaý oqıǵalaryn áshkereledi,
dep habarlaıdy Astana qalalyq ІІD baspasóz qyzmetinen.Astana qalalyq ІІD Esil aýdandyq ІІB qyzmetkerleri 32 jastaǵy M. esimdi azamatshany quryqtady. Ol óziniń kúıeýimen jáne balasymen jumys berýshileriniń úıinde eki jyl boıy turyp kelgen. Áıeldiń joldasy da úı ishindegi sharýalardy atqaryp júrgen.
Japa shekkenderdiń aıtýlarynsha, olar zattardyń joǵala bastaǵanyn ańǵarǵan, biraq tabylar degen senimmen asa mán bermegen. Úıden aqsha joǵalǵan kezde kúdik úı qyzmetshisi men onyń otbasyna túsedi. Keıin tártip saqshylary anyqtaǵandaı, áıel 2 jyl boıy óz qojaıyndarynyń jeke zattaryn urlap kelgen. Olardyń deni - zergerlik buıymdar men aqsha. Úı qyzmetshisi jumys berýshilerine jalpy 40 myń AQSh dollary kóleminde zalal keltirgen.Búgingi tańda úı qyzmetshisine qatysty QR QK 175 baby 4 bóligi «Urlyq» boıynsha qylmystyq is qozǵalyp, tergeý jumystary júrgizilýde.
