Astanada ústine benzın quıyp, órtep jibergen áıeldiń jaǵdaıy asa aýyr
ASTANA. QazAqparat - Burynǵy kúıeýiniń shabýyly saldarynan zardap shekken áıel óte aýyr jaǵdaıda jatyr. Bul týraly №1 qalalyq aýrýhananyń kombýstıologııa bóliminiń meńgerýshisi Pavel Kýtnıakov málim etti.
«Naýqastyń jaǵdaıy óte aýyr, ol jansaqtaý bóliminde jatyr. Jábirlenýshi denesiniń 70 paıyzy kúıgen», - dep habarlady Pavel Kýtnıakov.
Esterińizge sala keteıik, búgin shamamen tańǵy saǵat 9-da Y.Altynsarın kóshesindegi turǵyn úıdiń qasynda bolǵan er adam áıeldiń ústine benzın quıyp, ony órtep jibergen. Beti, moıyny, keýdesi men arqasyn termııalyq kúıikter shalǵan zardap shegýshi birinshi qalalyq aýrýhanaǵa jetkizildi. Kúdikti er azamattyń esimi anyqtaldy, ol 43 jastaǵy er adam, jábirlenýshiniń burynǵy kúıeýi bolyp shyqty. Qazirgi kezde tártip saqshylary kúdiktini izdeý jáne qamaýǵa alý sharalaryn júrgizip jatyr.
