Astanada ústel tennısinen Hopes Week & Challenge irikteý týrnıri ótedi

ASTANA. KAZINFORM – Elordadaǵy ADD Table Tennis Center Astana ortalyǵynda ústel tennısinen Hopes Week & Challenge respýblıkalyq irikteý týrnıri ótedi.

Halyqaralyq ústel tennısi federatsııasynyń (ITTF) Hopes baǵdarlamasy – daryndy sportshylardy anyqtaýǵa baǵyttalǵan aýqymdy joba. Bul baǵdarlama kóptegen qazirgi álemdik deńgeıdegi sportshy úshin óz sheberligin dáleldep, mansabyn jańa deńgeıge kóterýge múmkindik bergen mańyzdy alańǵa aınaldy. 

2019 jyly qazaqstandyq Alan Qurmanǵalıev álemdik Hopes Week-tiń úzdik oıynshysy atanǵan bolatyn.

Bıyl ADD Table Tennis Center Astana ortalyǵynda eldiń ár óńirinen kelgen 60 jas tennısshi (30 ul, 30 qyz) ulttyq quramanyń aǵa jattyqtyrýshysy Erdáýlet Orazbaevtyń jetekshiligimen oqý-jattyǵý jıynyn ótkizedi. Al, 1-2 naýryz kúnderi ótetin týrnırde Azııadaǵy Hopes Week & Challenge jarysyna 2 joldama (1 ul, 1 qyz) sarapqa salynady. 

Eske sala keteıik, buǵan deıin Kırıll Kýrdıdı trektegi velosporttan Azııa chempıonatynyń qola júldesin ıelengenin habarlaǵan edik.