Astanada ústel tennısinen Azııa chempıonaty óz máresine jetti
ASTANA. KAZINFORM – Búgin Astanada ótip jatqan ústel tennısinen XXVII Azııa chempıonaty óz máresine jetti.
Erler arasynda jekeleı synda japondyq sportshy Tomokadzý Harımoto chempıon atansa, Soltústik koreıa sportshysy Kım Kým En áıelder arasynda jekeleı synda top jardy.
Juptyq synda Ońtústik koreıa ókilderi Lım Chonhýn men An Djehen erler arasynda Azııa chempıony atandy. Al áıelder arasynda Satsýkı Otorı men Sakýra Iokoı barlyq qarsylasynan basym tústi.
Sondaı –aq, Lın Shıdýn men Kvaı man aralas juptyq synda jeńimpaz atandy.
Buǵan deıin habarlaǵanymyzdaı, áıelder arasyndaǵy komandalyq básekede Japonııa jeńimpaz atansa, Qytaı quramasy ekinshi oryn ıelendi.
Al ereler arasyndaǵy komandalyq básekede Qytaı quramasy chempıon boldy.
Qazaqstan erler komandasy 7-8 oryn úshin saıysta Irandy 3:1 esebimen jeńip, shırek fınalda Úndistanǵa jol bergen bolatyn.
