Astanada ústel tennısinen alǵash ret Azııa chempıonaty ótedi
ASTANA. KAZINFORM — 6-13 qazan aralyǵynda Astanada ústel tennısinen XXVII Azııa chempıonaty ótedi. Qazaqstan astanasy alǵash ret qurlyqtyq birinshilikti qabyldaıdy, dep habarlaıdy elorda ákimdiginiń resmı saıty.
Chempıonatqa qatysatyn Azııanyń barlyq úzdik oıynshylary qurlyqtaǵy eń myqty bedeldi ataq úshin kúsh synasady.
Aldaǵy Azııa chempıonatynda 26 elden barlyǵy 210 sportshy óner kórsetedi. Medaldardy Bahreın, Gonkong, Úndistan, Iordanııa, Iran, Iemen, Katar, Qytaı, Qytaıdyń Taıbeıi, KHDR, Qyrǵyzstan, Malaızııa, Maldıv, Mońǵolııa, Nepal, Oman, Pákistan, Saýd Arabııasy, Sıngapýr, Taıland, Ózbekstan, Fılıppın, Shrı-Lanka, Ońtústik Koreıa, Japonııa jáne Qazaqstannyń shaǵyn raketka sheberleri ózara sarapqa salady.
Qatysýshylar arasynda komandalyq eseptegi Olımpıada chempıony, tórt dúrkin álem chempıony Qytaı sportshysy Van Chýtsın, komandalyq eseptegi Olımpıada oıyndarynyń kúmis júldegerleri Mıva Harımoto jáne Mıý Hırano (Japonııa), Olımpıadanyń altyn jáne kúmis júldegeri Sýn Insha (Qytaı), mıkstegi Olımpıada chempıony Mıma Ito (Japonııa), komandalyq eseptegi Olımpıadanyń qola júldegeri Tomokazý Harımoto (Japonııa) bar.
Qazaqstan quramasy atynan Rıo-2016, Tokıo-2020, Parıj-2024 Olımpıada oıyndarynyń qatysýshysy Kırıll Gerasımenko, 2020 jylǵy Olımpıadanyń qatysýshysy Anastasııa Lavrova, mıkstegi jastar arasyndaǵy álem chempıonatynyń jeńimpazy Alan Qurmanǵalıev, halyqaralyq týrnırlerdiń túrli júldegerleri Sarvınoz Mırkadırova, Zaýresh Akasheva sııaqty sportshylar óner kórsetedi.
Azııa kontınenti osy sport túrinen álemde jetekshi oryn alady. Bul Azııa chempıonatyn halyqaralyq jarys kúntizbesindegi mańyzdy týrnırlerdiń birine aınaldyryp, ústel tennısi áýesqoılarynyń joǵary nazaryn aýdaryp, kontınenttegi úzdikter ataǵy úshin tartysty saıys bolmaq.
Medaldar erler men áıelder arasynda jeke, komandalyq, sondaı-aq juptyq jáne aralas razrıadtarda oınatylady.
Jarys «BEELINE ARENA» Ulttyq tennıs ortalyǵynda ótedi. Kórermenderge kirý tegin.
Aıta ketsek, chempıonatty «Qazsport» telearnasynan tikeleı efırde kórýge bolady.
