Astanada ústel tennısinen týrnırdiń júldegerleri anyqtaldy

ASTANA. QazAqparat - Elordada Prezıdent Іs Basqarmasynyń jáne vedomstvolary men vedomstvolyq qarasty uıymdarynyń qyzmetkerleri arasynda ótken ústel tennısinen týrnır márege jetti, dep habarlaıdy QazAqparat tilshisi.

Atap aıtqanda, komandalar arasyndaǵy saıysta birinshi oryndy 10 upaı jınaǵan QR PІB Medıtsınalyq ortalyǵy aldy. Ekinshi orynnan 9 upaımen QR PІB Injenerlik-tehnıkalyq ortalyǵy kórinse, úshinshi oryn QR Prezıdentiniń Ákimshiligi men Úkimetiniń ákimshilik ǵımarattary dırektsııasyna buıyrdy.

Jyl saıynǵy dástúrli týrnırde 10 komanda (30 adam) ózara tartysqa tústi. Jeńimpazdarǵa arnaıy kýbok, sertıfıkattar men dıplomdar tabystaldy.

Aıta keteıik, búgingi týrnırge Prezıdent Іs Basqarmasy, Prezıdent Teleradıokesheni, «QR PІB Avtosharýashylyǵy» RMK, «Búrkit» memlekettik avıakompanııasy» RMK, QR PІB Medıtsınalyq ortalyǵy, «Materıaldyq-tehnıkalyq qamtamasyz etý basqarmasy» memlekettik mekemesi, «QR Prezıdentiniń Ákimshiligi men Úkimetiniń ákimshilik ǵımarattary dırektsııasy» sharýashylyq júrgizý quqyǵyndaǵy RMK, «Memlekettik rezıdentsııalar dırektsııasy» RMK, «QR PІB Injenerlik-tehnıkalyq ortalyǵy» ShJQ RMK, «Býrabaı damý» JShS atynan komandalar qatysty.