Astanada ústel tennısinen marafon ótedi
ASTANA. QazAqparat - Elorda kúni aıasynda erteń, maýsymnyń 28 kúni «Alaý» muz aıdynynda ústel tennısinen «Astana cup - 2015» marafony ótedi, dep habarlady qalalyq ákimdiktiń baspasóz qyzmetinen.
Ótken jyly alǵash ret ótkizilgen marafonǵa jalpy 1000 astam adam qatysqan bolatyn. Jeńimpazdar bir mıllıon teńge kólemindegi aqshalaı syılyqty enshilegen. Bıyl júlde qory sol mólsherde saqtalady, biraq týrnır formaty ózgeredi. Jarys olımpıada júıesi boıynsha ótkiziledi. Týrnırde eki atalym bolmaq: «Erler» men «Áıelder». Jas mólsheri shekteýsiz. Marafon reglamenti men qatysýǵa ótinish berý týraly tolyq aqparatty «Alaý» muz saraıynyń resmı saıtynan ala alasyzdar. Birinshi oryn ıegeri qarjylaı syılyqpen qosa, muz saraıyndaǵy buqaralyq syrǵanaýǵa bir jyl boıy tegin qatysý múmkindigine ıe bolady.
