Astanada ústel tennısinen dástúrli festıval ótedi

ASTANA. QazAqparat -  Aldaǵy demalys, ıaǵnı14-15 shilde kúnderi «Alaý» muzaıdyny saraıynda Astana kúnine oraı Ústel tennısinen dástúrli festıval ótedi, dep habarlaıdy QazAqparat tilshisi.

QR UOK taratqan málimet kózine súıensek, jarysqa Qazaqstannan bólek Reseı jáne Ózbekstannan kelgen 1000-nan astam kásibı sportshylar men áýesqoılar qatyspaq.

Jarystyń alǵashqy kúni komandalyq jáne juptyq birinshilikte júldegerler anyqtalady, al 15 shilde kúni kásipqoı, áýesqoı, ardager, jasóspirimder jáne kadetter, sondaı-aq, múmkindigi shekteýli sportshylar arasyndaǵy myqtylar anyqtalady.

Atalǵan týrnır 2014 jyldan bastap ótkizilip keledi. Birinshiliktiń maqsaty - Respýblıkada ústel tennısin kópshilikke taratý jáne damytý, salaýatty ómir saltyn nasıhattaý, dene shydamdylyǵyn qalyptastyryp, adamgershilik tárbıesin arttyrý. Jarystyń saltanatty ashylýy - 14 shilde kúni saǵat 10:00-de «Alaý» muzaıdyny saraıynda ótedi.