Astanada ústel tennısi marafony ótip jatyr (FOTO)
ASTANA. QazAqparat - Elorda kúnin atap ótý aıasynda búgin «Alaý» muz saraıynda «Astana cup - 2015» ústel tennısinen ekinshi marafon ótýde. Saıysqa 1000 jýyq astanalyq kásibı emes sportshylar qatysýǵa nıet bildirdi, dep habarlady qalalyq ákimdiktiń baspasóz qyzmetinen.
Bıylǵy júlde qory byltyrǵydaı 1 000 000 teńgeni quraıdy, biraq týrnır formaty ózgeredi. Jarys olımpıada júıesi boıynsha ótkiziledi. Týrnırde eki atalym bolmaq: «Erler» men «Áıelder». Jas mólsheri shekteýsiz. Atap óteıik, birinshi oryn ıegeri qarjylaı syılyqpen qosa, muz saraıyndaǵy buqaralyq syrǵanaýǵa bir jyl boıy tegin qatysý múmkindigine ıe bolady.
