Astanada ustalǵan sheneýnikke para retinde qala shetinen úı syılaǵan

Astana qalasy otyn-energetıka kesheni jáne kommýnaldyq sharýashylyq basqarmasynyń basshysy Marsel Uzaqov sybaılas jemqorlyqqa qatysy bar degen kúdikke ilindi, dep habarlaıdy Kazinform tilshisi.

«Astana qalasy boıynsha sybaılas jemqorlyqqa qarsy qyzmet otyn-energetıka kesheni jáne kommýnaldyq sharýashylyq basqarmasy basshysynyń qylmystyq áreketiniń jolyn kesti. Sheneýnik jeke kompanııa basshysynan qala syrtyndaǵy jeke úı túrinde iri kólemde para aldy degen kúdikke ilindi», - dedi QR Sybaılas jemqorlyqqa qarsy is-qımyl agenttiginiń Arman Tileýkenov.

Bul para Astana qalasynyń káriz tazartý qurylystaryn salý jumysyn atqarýshyny aıqyndaý kezinde jeke uıymnyń múddesin qoldaýǵa baǵyttalǵany anyqtaldy.

«Sottyń sanktsııasymen kúdikti qamaýǵa alyndy. Tergeý múddesi úshin basqa aqparat jarııalaýǵa jatpaıdy», - dep habarlady Antıkor.