Astanada ustalǵan ázirbaıjandyq azamattan Ázirbaıjan Respýblıkasynyń 15 tólqujaty tabyldy
ASTANA. 15 qarasha. QazAqparat - Astana qalasy Halyqaralyq áýejaıynda Kóliktegi ІІD Jelilik polıtsııa qyzmetkerleri ázirbaıjan azamatyn ustady. Tekserý kezinde odan Ázirbaıjan Respýblıkasynyń 15 azamatynyń tólqujaty tabyldy, dep habarlaıdy kóliktegi ІІD baspasóz qyzmetinen.
Astana qalasy áýejaıyndaǵy JPb kóshi-qon polıtsııasynyń qyzmetkerleri júrgizgen tekserý barysynda atalǵan respýblıkanyń zańsyz kelgen ózge de 16 azamatyn anyqtady.
Bul azamattar QR ÁQBtK 394 baby 3-b. jáne 4-b. sáıkes Qazaqstan Respýblıkasyna shet el azamattarynyń kelý tártibin buzǵan, ıaǵnı Qazaqstanǵa kelip, alaıda belgilengen merzim ishinde el aýmaǵynan shyǵýdan bas tartqan.
Astana qalasy Esil aýdandyq №2 sotynyń qaýlysymen olardyń 14-i QR ÁQBtK 394-babynyń 3-tarmaǵy boıynsha QR kelý erejesin buzǵandyǵy úshin kináli dep tanylyp, eki táýlikke qamaýǵa alý týraly ákimshilik jaýapkershilikke tartyldy. Al taǵy da 2 azamat sot sheshimine sáıkes, el aýmaǵynan shyǵaryldy.
