Astanada úsik shalǵan 14 adam aýrýhanaǵa tústi
ASTANA. QazAqparat - Astanada úsik shalǵan 14 adam dáriger kómegine júgindi, dep habarlaıdy QazAqparat tilshisi qoǵamdyq densaýlyqty saqtaý basqarmasynyń baspasóz qyzmetine silteme jasap.
Zardap shekkenderdiń 12-si aýrýhanaǵa jedel járdemmen jetkizilgen, qalǵan ekeýi dárigerge ózderi kelgen. Úsik shalǵandardyń 10-y eresek adam, tórteýi bala. 2017 jyly týǵan bir bala qaladaǵy №2 balalar aýrýhanasyna jetkizildi, onyń jaǵdaıy ortasha. Qalǵandary ambýlatorııalyq emdeý úshin turǵylyqty mekenjaılaryna jiberildi.
Eske sala ketsek, qatty aıazdan Qostanaı oblysynda eki adam úsip óldi.
