Astanada ýshýdan Qazaqstan chempıonaty ótip jatyr
ASTANA. KAZINFORM — Astana qalasyndaǵy «Aspan» sport kesheninde 2–4 jeltoqsan aralyǵynda eresekter arasyndaǵy ýshýdan Qazaqstan Respýblıkasynyń chempıonaty ótip jatyr.
Chempıonat 2 jeltoqsan kúni resmı túrde ashyldy.
Ashylý saltanatyna Qazaqstan Respýblıkasy Týrızm jáne sport mınıstrliginiń Sport jáne dene shynyqtyrý isteri komıteti tóraǵasynyń orynbasary Nurmuhanbetov Amanbaı Shaǵylbaıuly, Qazaqstan Respýblıkasynyń Ulttyq olımpıadalyq komıtetiniń vıtse-prezıdenti, Qazaqstan Ýshý jáne Kýngfý federatsııasynyń prezıdenti Gadjıev Gadjı Shapıevıch, sondaı-aq Qytaıdan kelgen ýshý boıynsha halyqaralyq sanattaǵy tóreshi, professor SUN AIPING qatysty.
Jarysqa óńirlerdiń eń myqty sportshylary jınalyp, taolý jáne sanda baǵdarlamalary boıynsha joǵary daıyndyǵyn kórsetip jatyr.
ÝShÝ-TAOLÝ (sporttyq ýshý túrleri) kelesi sanattar boıynsha ótkiziledi:
A toby: erkin (ózdigimen qurastyrylǵan) keshender:
-
chantsıýan, daoshý, gúnshý, tszıanshý, tsıanshý
-
nantsıýan, nangýn, nandao
-
taıtszıtsıýan, taıtszıtszıan
-
dýılıan
-
qarýmen dýılıan
Bul kishi topta sportshy kelesi nomınatsııalar boıynsha óner kórsete alady:
jalań qol jáne jalpaq júzdi qarý nemese jalań qol jáne qysqa qarý (marapattaý qos saıys boıynsha júrgiziledi), sondaı-aq dýılıan túrinde – sportshynyń tańdaýy boıynsha (qarýmen nemese qarýsyz).
V toby: 24 forma, 32 forma (taıtszı)
-
taıtszıtsıýan
-
taıtszıtszıan
Bul kishi topta sportshy qos saıys boıynsha (jalań qol jáne qysqa qarý) marapattalady.
S toby: 42 forma, 42 forma (taıtszı)
-
taıtszıtsıýan
-
taıtszıtszıan
Bul kishi topta sportshy qos saıys boıynsha (jalań qol jáne qysqa qarý) marapattalady.
ÝShÝ SANЬDA (erkin jekpe-jek)
Ýshý Sanda boıynsha jarystardyń baǵdarlamasyna kelesi salmaq dárejeleri kiredi:
Erler:
48 kg, 52 kg, 56 kg, 60 kg, 65 kg, 70 kg, 75 kg, 80 kg, 85 kg, 90 kg, 100 kg, 100+
Áıelder:
48 kg, 52 kg, 56 kg, 60 kg, 65 kg, 70 kg, 75 kg, 80 kg
Ýshý sanda zamanaýı jekpe-jek óneriniń elementterin jáne ýshý dástúrli stılderi men úrdisterin, qytaılyq shýaıtszıao kúresiniń elementterin qamtıtyn qorǵanys quraldaryndaǵy sporttyq jekpe-jekterden turatyn sport túri.