Astanada Úshkempirovti eske alýǵa arnalǵan grek-rım kúresinen halyqaralyq týrnır ótedi

ASTANA. KAZINFORM – Elorda ákimdiginiń qoldaýymen naýryz aıynyń 11-13 kúnderi Astana tórinde KSRO-nyń eńbek sińirgen sport sheberi, Olımpıada chempıony, Álem chempıony, Qazaqstannyń Eńbek Eri Jaqsylyq Úshkempirovti eske alýǵa arnalǵan grek-rım kúresinen 20 jasqa deıingi balýandar arasynda halyqaralyq týrnır ótedi.

QR Sportty damytý dırektsııasy málim etkendeı, týrnırge Qazaqstan, Belgııa, Ázirbaıjan, Horvatııa, Qyrǵyzstan, Ózbekstan, Saýd Arabııasy, Reseı, Ýkraına jáne Tájikstan sportshylary qatysady dep kútilýde.

Baıraqty básekede álemniń eń úzdik bozkilem sheberleri 10 salmaq (55 kg, 60 kg, 63 kg, 67 kg, 72 kg, 77 kg, 82 kg, 87 kg, 97 kg jáne 130 kg) dárejesinde synǵa túspek.

Týrnır 11-13 naýryz aralyǵynda Jaqsylyq Úshkempirov atyndaǵy jekpe-jek saraıynda (Qabanbaı batyr dańǵyly, 43) ótedi.

Astana qalasynda tórtinshi ret ótkeli jatqan halyqaralyq týrnır QR Týrızm jáne Cport mınıstrliginiń Sport jáne dene shynyqtyrý isteri komıteti, Grek-rım, erkin jáne áıelder kúresi federatsııasynyń jáne qalalyq sport basqarmasynyń uıymdastyrýymen ótkiziledi.