Astanada úsh jyl buryn adam óltirgen 4 kúdikti ustaldy
ASTANA. QazAqparat - QR Іshki ister mınıstrligi Qazaqstannyń birqatar óńirinde izdestirilgen qylmyskerlerdiń ustalǵany týraly habarlady, dep habarlaıdy QazAqparat tilshisi.
«Osylaısha, Astana qalalyq ІІD krımınaldyq polıtsııa qyzmetkerleri jedel-izdestirý is-sharalaryn júrgizý kezinde elorda aýmaǵynda 2015 jyly adam óltirgen tórt kúdiktini ustady. Qylmys jasalǵan tapansha tárkilendi», - dep habarlaıdy QR ІІM resmı ókili Almas Sadýbaev.
Budan bólek, ІІM derekterine sáıkes, Almaty oblystyq ІІD jedel qyzmetkerleri úsh kúdiktini qolǵa túsirdi. Jergilikti úsh turǵyn bıyl 10 sáýirde Taldyqorǵanda jeke kásipkerge qaraqshylyq shabýyl jasap, iri kólemdegi aqshasy men «Toyota Camry 50» kóligin tartyp alǵan.
«Sondaı-aq, Almaty oblysy Úsharal qalasynda Almaty qalalyq ІІD jedel qyzmetkerleri Almatyda qaraqshylyq shabýyldy kásip etken oblys turǵynyn ustady», - dep túıindedi Almas Sadýbaev.
