Astanada úsh jer úı órtenip jatyr
ASTANA. KAZINFORM - Astananyń Baıqońyr aýdanynda, Tolstoı kóshesinde bir-birine jaqyn ornalasqan úsh jeke turǵyn úıden órt shyqty, dep habarlaıdy QR Tótenshe jaǵdaılar mınıstrliiniń baspasóz qyzmeti.
Alǵashqy órt sóndirý bólimsheleri kelgen kezde ǵımarattardyń shatyrlary tolyqtaı otqa oranǵan.
Osy ýaqytta órt sóndirýshiler jalynmen arpalysyp jatyr.
- Órtti sóndirý jumystary qalyń tútin saldarynan qıyndap otyr. 112 pýltine zardap shekkender týraly aqparat túsken joq, - delingen habarlamada.
Osyǵan deıin Astanada balalar aýrýhanasynan órt shyqqan bolatyn.
