Astanada úsh jasar búldirshin terezeden qulap ketti
ASTANA. QazAqparat - Búgin saǵat kúndizgi ekiler shamasynda Astana qalasyndaǵy Jeńis dańǵylynda úsh jasar búldirshin ekinshi qabatta ornalasqan páterdiń terezesinen qulap ketti.
«Terezeden qulaýy saldarynan bala ıyq súıeginiń jabyq synyǵyn, oń jaq ıyǵynyń tómengi jaǵyndaǵy súıekterdiń jabyq synyǵyn, jabyq bas-mı jaraqatyn alǵan», - dep habarlaıdy Astana qalalyq ІІD-niń baspasóz qyzmetinen.
Anasynyń aıtýynsha, ol balasynyń terezeniń aldyna qalaı shyǵyp alǵanyn, odan keıin qalaı qulap ketkenin baıqamaı qalǵan. Polıtsııa qyzmetkerleriniń aqparatynsha, balalarmen baılanysty qaıǵyly oqıǵalardyń kóp bóligi qastarynda eresekterdiń bolmaýyna nemese ata-analarynyń balalardyń qaýipsizdigine muqııat bolmaýyna baılanysty oryn alady. Terezeden qulaý balalar jaraqatynyń negizgi sebepteriniń biri bolyp tabylady. Kóptegen ata-analar ashyq turǵan terezeniń balalarynyń ómirine qaýip tóndirip turǵan esterinen shyǵaryp alady.
