Astanada úsh jańa avtobýs baǵyty qosylady
ASTANA. KAZINFORM – Astanada 21 aqpannan bastap úsh jańa avtobýs baǵdary iske qosylady. Bul týraly CTS baspasóz qyzmeti habarlady.
Baǵdarlardyń júrý baǵyttary:
№ 67 — «Yryskeldi Qajy» meshiti — «Prıgorodnyı» turǵyn alaby («Orman park»TK);
№ 74 — «Altyn Besik» TÚK — «Dostar-1» turǵyn úı kesheni;
№ 76 — «Alaı» — «Jeleznodorojnyı» turǵyn alaby.
— Jańa baǵdarlar qalanyń mańyzdy baǵyttaryn qamtıdy. Atap aıtqanda, № 67 baǵdar Buqar Jyraý kóshesindegi qoǵamdyq kólik qyzmetin jaqsartyp, Qasym Qaısenov kóshesindegi jańa ýchaskesimen júre bastaıdy, № 74 baǵdar Sh. Aıtmatov kóshesi men Uly dala dańǵylynyń jańa bóligin qamtıdy, sondaı-aq Aıteke bı kóshesin kóliktik qyzmetpen qamtamasyz etedi, № 76 baǵdar A. Pýshkın kóshesindegi qoǵamdyq kólik qyzmetin jaqsartyp, «Jeleznodorojnyı» TA saýda oryndarymen baılanystyrady, — delingen habarlamada.
Syǵanaq jáne Aıteke bı kósheleriniń qıylysynda baǵdarsham ornatylyp, retteletin qıylys uıymdastyrylǵanǵa deıin № 74 baǵdar Q. Muhamedhanov kóshesindegi baǵytynda ýaqytsha Anet baba kóshesi arqyly júredi, al keri baǵytta bekitilgen syzbaǵa sáıkes Aıteke bı kóshesi arqyly qatynaıdy.
Aıta ketelik Astanada demalys kúnderi kezekti aýyl sharýashylyǵy jármeńkesi ótedi.