Astanada úsh jańa avtobýs baǵdary iske qosylady
ASTANA. KAZINFORM — Astanada 29 qarashadan bastap qoǵamdyq kóliktiń jelisine úsh jańa marshrýt qosylady, dep habarlaıdy CTS.
Baǵdarlar baǵyttary:
* № 65 baǵdar – Bolashaq kóshesi – «Otaý» shaǵyn aýdany;
* № 68 baǵdar – «Gazmashapparat» AQ – «Baǵystan» turǵyn úı kesheni;
* № 78 baǵdar – Ulttyq shuǵyl medıtsınalyq úılestirý ortalyǵy – № 64 mektep-lıtseıi qatynasymen júredi.
Jańa baǵdarlar elordanyń birqatar mańyzdy nysany arqyly júredi.
Mysaly, №65 baǵdar jańadan ashylǵan S.Shaımerdenov kóshesimen qatynaıdy, №68 baǵyty «Baǵystan»TK qalanyń oń jaǵalaýymen baılanystyryp, K.Ázirbaev jáne M.Jumabaev kóshelerin qoǵamdyq kólikpen qamtamasyz etedi.
Jańa baǵyttardyń jumysy jolaýshylar tasymalynyń sapasyn arttyrýǵa jáne qoǵamdyq kólikpen qamtýdy jaqsartýǵa baǵyttalǵan.
Qozǵalys syzbalaryn Avtobys qosymshasynan kóre alasyzdar.
Aıta ketelik Elordanyń jasyl aımaǵyna qoıylatyn sanıtarlyq talaptar kúsheıtiledi.