Astanada úsh tildi jetik meńgergen jastardy anyqtaýǵa arnalǵan respýblıkalyq olımpıada ótedi
ASTANA. 1 jeltoqsan. QazAqparat - QR Mádenıet mınıstrliginiń Til komıteti Qazaqstan Táýelsizdiginiń 20 jyldyǵyna oraı bıyldyń 2-3 jeltoqsany aralyǵynda memlekettik tildiń qoldaný aıasyn keńeıtý jáne damytý maqsatynda
til men mádenıetti qurmetteýdi tárbıeleýge arnalǵan aktsııa aıasynda «Tildaryn-2011» respýblıkalyq olımpıadasyn «Memlekettik tildi bilý - paryzyń» degen uranmen ótkizedi.
Sharanyń negizgi maqsaty - úsh tildi - qazaq, orys jáne aǵylshyn tilderin jetik meńgergen qabiletti jastardy anyqtaý jáne qoldaý, tildik qarym-qatynas mádenıetin qalyptastyryp, kóp tildi meńgergen tulǵany tárbıeleý. Olımpıadanyń respýblıkalyq týry berilgen taqyrypqa saı tanystyrylym, baspasóz máslıhatyn ótkizý, taqyryp boıynsha esse jazý, mátinge ilespe aýdarma jasaý atalymdary boıynsha ótedi.
Baıqaýǵa elimizdiń barlyq oblystary jáne Astana men Almaty qalalarynan oblystyq, qalalyq deńgeıde ótkizilgen baıqaýlardyń jeńimpazdary qatysyp, óz ónerlerin ortaǵa salady.
Baıqaý jeńimpazdary dıplomdarmen, alǵys hattarmen jáne basqa da syılyqtarmen marapattalady.
