Astanada úsh qurylys kompanııasyna aıyppul salyndy
ASTANA. QazAqparat - Elordanyń Esil aýdanynda abattandyrý erejelerin buzǵan úsh qurylys kompanııasyna aıyppul salyndy, dep habarlaıdy QazAqparat aýdan ákimdiginiń baspasóz qyzmetine silteme jasap.
«Esil aýdanynda aqpannyń 24-i men naýryzdyń 2-i aralyǵynda Astana qalasyn abattandyrý talaptaryn buzǵany úshin «KazInvestKonstrakshnGrýpp» JShS, «Dılaın Grýpp» JShS jáne «Industrial Innovation Group» JShS-ne 249 590 teńge kóleminde aıyppul salyndy»,-delingen habarlamada.
Buǵan qosa, «ASTI» jáne «Evrokopter Kazahstan Injınırıng» kompanııalaryna eskertý jarııalandy. Qurylys alańdaryna monıtorıng jumystaryn «Esil» aýdanynyń ákimdigi jergilikti polıtsııa qyzmetkerlerimen birge júrgizdi.
