Astanada úsh kúndik halyqaralyq at sporty jarystary máresine jetti
ASTANA. KAZINFORM – Elordadaǵy «Arǵymaq» at sport kesheninde konkýr boıynsha Eýrazııa Lıgasynyń álem kýbogy kezeńi (FEI CSI 1*-W) jáne Atpen mánerlep júrýden halyqaralyq týrnır (FEI CDI 1*) aıaqtaldy.
QR At sporty federatsııasy baspasóz qyzmetiniń habarlaýynsha, atalǵan básekede Armenııa, Grýzııa, Qyrǵyzstan, Ózbekstan jáne Qazaqstannan 60-qa jýyq sportshy sheberlikterin kórsetip, baq synady. Jarystarǵa álem kýbogy kezeńi men Halyqaralyq týrnırlerde buǵan deıingi kezeńderdiń jeńimpazdary men bolashaq debıýtanttar – Evrazııalyq lıganyń eń myqty shabandozdary qatysty.
Jarystyń mańyzyn arttyra túsetin jaıt – konkýr boıynsha Eýrazııa Lıgasynyń álem kýbogy kezeńi Astanada 10 jyldan keıin alǵash ret ótkizilip otyr. Sonymen qatar elorda tarıhynda tuńǵysh ret atpen mánerlep júrýden halyqaralyq týrnır uıymdastyryldy. Bul Qazaqstanda osy sport túriniń damýyna tyń serpin beretin mańyzdy qadam boldy.
– Qazaqstan úshin at sporty – jaı ǵana jarys túri emes, bul – ulttyq muramyzdyń bir bóligi ári ony álemdik arenaǵa shyǵarýdyń mańyzdy qadamy. Bizdiń maqsatymyz – elimizdiń halyqaralyq saıystardaǵy pozıtsııasyn nyǵaıtý, jas talanttardyń ósýine jaǵdaı jasaý, jańa sportshylar býynyn tartý jáne úsh saıys, kedergilerdi eńserý, atpen mánerlep júrý jáne basqa da túrlerin keńinen nasıhattaý.
Aıta ketý kerek, mundaı jarystar ınfraqurylymdy damytýǵa, sporttyq týrızmniń ósýine, jastardyń nazaryn sportqa aýdarýǵa, eń bastysy – elimizde myqty, básekege qabiletti at sporty mektebin qalyptastyrýǵa yqpal etedi, - dedi QR At sporty federatsııasynyń prezıdenti Rýstam Baıalıev.
Maxima Masters Eurasia shaǵyn komandalyq kýbogy – konkýr 130 sm (2 aınalym):
1 oryn – Qazaqstan quramasy
2 oryn – Ózbekstan quramasy
3 oryn – Qyrǵyzstan quramasy
Gran-prı – Eýrazııa Lıgasy Álem Kýbogynyń kezeńi, konkýr 160 sm:
1 oryn – Kamıl Sabıtov (Qyrǵyzstan)
2 oryn – Rınat Galımov (Qyrǵyzstan)
3 oryn – Hýrshıdbek Alımdjanov (Ózbekstan)
Týrnırdiń jabylý saltanatyna Týrızm jáne sport mınıstri Erbol Myrzabosynov halyqaralyq jarystardyń elimiz úshin mańyzdylyǵyna toqtalyp, ony jan-jaqty nasıhattaý týraly barlyq sportshy men uıymdastyrýshylarǵa alǵysyn bildirdi.
Sporttyq is-sharada tórelik etken halyqaralyq deńgeıdegi tóreshiler týrnırdiń halyqaralyq erejege saı, joǵary deńgeıinde ótkenin aıtty. Úsh kúndik saıysta sportshylardan ózbekstandyq Hýrshýtbek Alımdjanov, Bekzot Kýrbanov, Alına Shevtsova, Alena Derevıankony, qyrǵyzstandyq Kamıl Sabıtov, Rınat Galımovty, Ekaterına Karkavtsevany, reseılik Ksenııa Haırýlınany, armenııalyq Vıgen Konstandıan, grýzııalyq Georgıı Tohnadze jáne Qazaqstan quramasynyń sportshylary Oleg Sokolenko, Nýrıla Turysbekova, Bekjan Baıjanuly, Daıana Onaeva, Raısa Sokolenkonyń jetistikterin erekshe atap ótken jón.
Jarystyń jalpy júlde qory – 24 000 USD. Aýqymdy deńgeıdegi sporttyq shara qazaqstandyq sportshylarǵa sheberlikterin arttyryp qana qoımaı, sheteldiń myqty shabandozdarymen básekege túsip, halyqaralyq týrnırlerge biliktilik joldamalaryn alý múmkindik berdi.
Eske sala keteıik, buǵan deıin elordada 6 elden kelgen 60 shabandoz konkýrdan synǵa túskenin jazǵan edik.