Astanada úsh kúnde jol erejesin buzǵan 600-den astam jaıaý júrginshi ustaldy
ASTANA. 2 sáýir. QazAqparat - Astananyń jol polıtsııasy qyzmetkerleri «Jaıaý júrginshi» jedel-aldyn alý sharasy aıasynda «Qaýipsiz jol» aktsııasyn ótkizdi.
Shara barysynda jol qozǵalysyna qatysýshylar arasynda ádeptilik saqtaýdy nasıhattaý men jol qaýipsizdigin arttyrý negizge alyndy.
Astananyń ІІD Jol polıtsııasy basqarmasy baspasóz qyzmetiniń málimetinshe, 28 naýryzdan bastap ótken «Jaıaý júrginshi» sharasy kezinde jol polıtsııasynyń jeke quramy kúsheıtilgen túrde qyzmet atqardy. Olar jaıaý júrginshiler kóp júretin jerlerde baqylaý jasap, tıisti túsindirý jumystaryn júrgizdi. 3 kúnniń qorytyndysy boıynsha jaıaý júrginshiler tarapynan 600-den astam jol erejesin buzý faktisi oryn aldy. Al jol qozǵalysyna qatysýshylar men jaıaý júrginshilerge jol bermegeni úshin júrgizýshilerge 171 ákimshilik hattama toltyryldy. Jalpy jedel-aldyn alý sharasy aıasyndaǵy úsh kúnniń ishinde jol qozǵalysy erejesin saqtamaýdyń 2 343 faktisi tirkeldi.
