Astanada úsh kúnde ishimdik iship kólik basqarǵan 50 júrgizýshi ustaldy
ASTANA. QazAqparat – 25-27 shilde aralyǵynda Astanada «Mas júrgizýshi - qylmysker!» aldyn alý sharasy ótip, onyń barysynda jol erejesin buzýdyń 3 myńnan astam oqıǵasy oryn aldy.
Bul týraly qalalyq Іshki ister basqarmasynyń baspasóz qyzmetinen habarlandy.
«Úsh kúndik aktsııa qorytyndysy boıynsha elordalyq polıtseıler 3 myńnan astam ereje buzýshylyqtardy anyqtady. Sonyń ishinde 50 júrgizýshi ishimdik ishken bolsa, júrgizýshi quqyǵynan aıyrylǵan 19 adamnyń kólik quraldaryn basqarýy oryn alǵan. Sonymen qatar, jol erejesin buzý faktileri boıynsha qozǵalystyń qarsy baǵytyna shyǵyp ketýdiń - 22, qaýipsizdik belbeýin taqpaǵan - 264, jyldamdyqty arttyrǵan - 449, rýlde otyryp uıaly telefonmen sóılesken 207 fakt tirkelgen. Sondaı-aq, jaıaý júrginshilerdiń jol erejesin buzýǵa qatysty 76 oqıǵa anyqtaldy», - delingen baspasóz baıanynda.
Eske salaıyq, «Mas júrgizýshi - qylmysker!» atty aldyn alý sharasy 25-27 shilde aralyǵynda Astana qalasy aýmaǵynda ótti. Aktsııa maqsaty elorda aýmaǵynda oryn alatyn apattar sanyn azaıtý men avtokólik qozǵalysyndaǵy tártipti kúsheıtý bolyp tabylady.
