Astanada úsh kúnde 24 mas júrgizýshi ustaldy
ASTANA. QazAqparat - Ótken merekelik úsh kúnde Astana qalasy ІІD jol-patrýldik polıtsııasynyń qyzmetkerleri 2 461 jol qozǵalysy erejesin buzý faktisin tirkedi, dep habarlady ІІD Ákimshilik polıtsııa basqarmasynan.
Naqtyraq aıqanda, kólikti mas kúıinde basqarǵan 24 júrgizýshi ustaldy. Jyldamdyqty arttyrǵany úshin 305 júrgizýshige aıyppul salyndy. Qaýipsizdik beldigin paıdalanbaǵan 25 júrgizýshi, sonymen birge kólik basqaryp kele jatyp uıaly telefonmen sóılesken 181 adam ustaldy.
Budan basqa, baǵdarshamnyń tyıym dabylynan ótip ketken 90 fakti, apatty jaǵdaıǵa ákelgen 35 zań buzý anyqtaldy. Aıyp turaǵyna 21 kólik qoıyldy. Jol qozǵalysy erejesin buzǵany úshin 424 júrginshi jaýapkershilikke tartyldy.
