Astanada úsh kún boıy tegin ekskýrsııalar ótedi
ASTANA. QazAqparat - 29, 30 maýsym jáne 1 shilde kúnderi aralyǵynda elorda turǵyndary men qonaqtary tegin ekskýrsııaǵa qatysa alady, dep habarlaıdy QazAqparat Astana qalasy ákimdigine silteme jasap.
Úsh kún boıy «Red Bus» avtobýstary Astananyń sol jaǵalaýymen tegin ekskýrsııalar ótkizetin bolady.
Ekskýrsııa «AiLand» (okeanarıým) oıyn-saýyq ortalyǵynan jáne «Hilton Astana» qonaq úıinen bastalady.
Aýdıogıdter qazaq jáne orys tilderinde qalanyń kórikti nysandary jóninde aqparat taratatyn bolady (bir reıs - qazaq tilinde, ekinshi reıs - orys tilinde júrgiziledi). Málimetterdi belgili bir tilde ǵana tyńdaǵysy keletinder ózderimen birge qulaqqap alyp kelýi kerek. Merekelik tegin serýen kezinde qulaqqaptar berilmeıdi.
«AiLand» aıaldamasynan qozǵalý ýaqyty:
- saǵ. 10:00 (qazaq tilinde);
- saǵ. 12:05 (orys tilinde);
- saǵ. 14:45 (qazaq tilinde);
- saǵ. 16:50 (orys tilinde);
- saǵ. 18:55 (qazaq tilinde).
Ary qaraı kelesi aıaldamalar bolady: «Hilton Astana», «Máńgilik El» saltanat qaqpasy, «Hilton Astana», Ulttyq Mýzeı jáne «Astana Báıterek» monýmenti.
«Hilton Astana» aıaldamasynan qozǵalý ýaqyty:
- saǵ. 10:00 (qazaq tilinde);
- saǵ. 12:05 (orys tilinde);
- saǵ. 14:45 (qazaq tilinde);
- saǵ. 16:50 (orys tilinde);
- saǵ. 18:55 (qazaq tilinde).
Ary qaraı kelesi aıaldamalar bolady: Ulttyq Mýzeı, «Astana Báıterek» monýmenti, «AiLand» (okeanarıým) oıyn-saýyq ortalyǵy, «Han Shatyr» SOSO jáne «Máńgilik El» saltanat qaqpasy.
