Astanada úsh kún boıy birneshe kóshede kólik qozǵalysy shekteledi
ASTANA. QazAqparat - 18-20 mamyr aralyǵynda Astanada trıatlonnan saıys ótkizilýine baılanysty birneshe kóshede qozǵalys shekteledi, dep habarlaıdy QazAqparat ákimdiktiń saıtyna silteme jasap.
Qalalyq ІІD Jergilikti polıtsııa qyzmetiniń málimetinshe, trıatlonnan Álem Kýbogy kezeńi ótkizilýine baılanysty qoǵamdyq tártipti qadaǵalap, is-sharaǵa qatysýshylar men azamattardyń qaýipsizdigin qamtamasyz etý maqsatynda B. Momyshuly dańǵyly (Toqpanov kóshesinen Qoshqarbaev dańǵylyna deıin), Saraıshyq kóshesiniń (B. Momyshuly dańǵyly M-1 kópir ústimen ótetin), Shalqyma kóshesi (M-1 kópirinen M-2 kópiri arqyly Álıev kóshesine deıin) boıynda jol qozǵalysy shekteledi.
Joǵaryda belgilengen kóshelerde jol qozǵalysynnyń shektelýi is-shara aıaqtalǵanǵa deıin jalǵasady.
Іs-sharanyń ótý ýaqyty:
2018 jyldyń 18 mamyry (juma) saǵat 15.00-den 16.00-ge deıin (zertteý baǵytynyń qatysýshylary).
2018 jyldyń 19 mamyry (senbi) 12.00-den 18.00-ge deıin (kásibı sportshylar).
2018 jyldyń 20 mamyry (jeksenbi) saǵat 09.00-den saǵat 15.00-ge deıin (áýesqoılar).
Qalalyq ІІD júrgizýshilerge ýaqytsha shekteýlerge túsinistikpen qarap, jol baǵytyn aldyn ala josparlaýdy eskertedi.
