Astanada úsh kóshede turǵyn úı keshenderi jaryqsyz qaldy
NUR-SULTAN. QazAqparat - Elordada elektr jelisinde apat bolyp, birneshe turǵyn úı jaryqtan ajyratyldy, dep habarlaıdy QazAqparat.
Osyǵan baılanysty «Astana-REK» aktsıonerlik qoǵamynyń baspasóz qyzmeti resmı málimet taratty.
Onyń aqparatyna sensek, 30 qańtar kúni saǵat 20:58 kezinde «Sol jaǵalaý» stansasynyń 407 nómirli 10 kV uıashyǵy apattyq jaǵdaıda óshirilgen.
Búgingi tańda Syǵanaq, Túrkistan jáne Almaty kóshelerindegi 6 turǵyn úıde jaryq joq.
Turǵyn úı keshenderiniń qajettiligin óteý úshin dızel generatorlary ornatylyp jatyr.
Qazirgi ýaqytta Esil aýdanynyń 19 adamnan turatyn 5 brıgadasy apat saldaryn joıýǵa jumyldyrylǵan.
Olar elektr taratý jelisiniń jumysyn qalpyna keltirýge atsalysyp jatyr.
