Astanada úsh bala ıis tıip mert boldy
ASTANA. Qazaqparat - Búgin, 22 qazan kúni elordanyń Saryarqa aýdanynda besqabatty turǵyn úıde zattardyń janýyna baılanysty 3 balaǵa ıis tıip, mert boldy, dep habarlaıdy QazAqparat QR ІІM Tótenshe jaǵdaılar komıtetiniń baspasóz qyzmetine silteme jasap.
«Búgin, 22 qazan kúni 11 saǵat 53 mınýttar shamasynda Astana qalasynyń Saryarqa aýdanynda besqabatty turǵyn úıde shamamen 2 sharshy metr aımaqta zattardyń janýyna baılanysty 2007, 2008 jáne 2009 jyldary týǵan úsh bala ıis tıip mert boldy»,-dep habarlady QR ІІM Tótenshe jaǵdaılar komıtetiniń resmı ókili Rýslan Imanqulov.
"Oqıǵa ornyna órt sóndirý qyzmetiniń ókilderi keldi. Alaıda, órt shyqqan aımaq asa kólemdi bolmaýy sebepti ol órt sóndirýshiler kelgenshe sóndirilip úlgerdi. Bul balalarǵa qaramaýdyń saldarynan oryn alyp otyrǵan kezekti qaıǵyly jaǵdaı",-deıdi tótenshe jaǵdaılar salasynyń ókilderi. 
