Astanada úsh aı ishinde jalǵa beriletin 25 myń páter anyqtaldy
ASTANA. QazAqparat - 5 qyrkúıek pen 5 jeltoqsan aralyǵynda Astana qalasynda Jergilikti polıtsııa qyzmeti «Ýchaske» jedel aldyn alý is-sharasyn ótkizdi, dep habarlaıdy QazAqparat.
«Ýchaske» jedel aldyn alý is-sharasynyń maqsaty - ýchaskelik polıtsııa ınspektorlary, kóshi-qon, krımınaldyq jáne patrýldik polıtsııa jáne basqa da qyzmetterdiń qatysýymen árbir ýchaskelik aýmaqtardaǵy zańbuzýshylyqtardy aldyn alý.
Ýchaskelik polıtseıler 5 qyrkúıekten bastap óz aýmaǵynda turyp jatqan azamattar týraly málimet alý úshin páterler men aýlalarda tekserý júrgizdi. Olar osy ýaqyt aralyǵynda 300 myńǵa jýyq páter men 30 myńnan astam jeke úıdi aralap shyqty. Іshki ister organdarynda tirkeýde turǵan 11 myńǵa jýyq azamat turǵylyqty jeri boıynsha tekserildi. Sondaı-aq, 16 myńǵa jýyq azamattyq qarý ıelerine tekseris júrgizildi.
Nátıjesinde jalǵa beriletin 25 myńǵa jýyq páter tirkelip, olar týraly aqparat Astana qalasy boıynsha Memlekettik kirister departamentine jiberildi.
Jalpy «Ýchaske» is-sharasy bastalǵaly 22 myńǵa tarta azamat ákimshilik jaýapkershilikke tartyldy. Qazaqstan Respýblıkasynyń kóshi-qon zańyn buzǵan 2500-ge jýyq shetel azamaty anyqtaldy.
