Astanada «Úsh anyq» pikirtalas klýbynyń alǵashqy májilisi ótti
dep habarlaıdy QazAqparat.
Otyrys barysynda kún tártibindegi máseleler jóninde sóz qozǵaǵan Adam quqyqtary jónindegi halyqaralyq bıýronyń Astana qalalyq ókildiginiń jetekshisi Anar Ybyraevanyń aıtýynsha, adam óz ómirinde óziniń quqyqtarynyń saqtalýyna kedergi keltirip otyrǵan jaǵdaılarmen bir ret te bolsa kezdesedi. «Búginde adam quqyǵy buzylýyna baılanysty faktilerdiń ara-tura bolsa da Qazaqstanda da kezdesetindigin barlyǵymyz da moıyndaıtyn shyǵarmyz. Óıtkeni bul másele kez-kelgen memlekette bar jáne ol qalypty jaǵdaı. Biraq oǵan qatysty jaǵdaı udaıy jetildirilip otyrýy tıis. Sebebi adam quqyqtary memleket pen azamattar arasynda qalyptasatyn jaǵdaı. Al jalpy adam quqyqtarynyń saqtalýy memlekettiń moınyndaǵy basty mindetterdiń biri», dep atap kórsetti A.Ybyraeva.
Jıyn barysynda sonymen qatar adam quqyqtarynyń saqtalýyna qatysty kóptegen usynys, pikirler aıtylyp, olar jóninde otyrysqa qatysýshylar ózara pikir almasty.
