Astanada urylardy toqtatpaq bolǵan er adam qatty jyldamdyqpen kele jatqan kólik esigine ilinip qaldy
ASTANA. QazAqparat - Ótken demalys kúnderi qylmystyq-atqarý júıesiniń qyzmetkerleri elordanyń shet aımaǵynan birqatar qylmys jasaǵan kúdiktilerdi qolǵa túsirdi, dep habarlady Astana qalasy boıynsha QAJ departamentinen.
«Tús kezinde Astananyń shet jaǵynda áriptesim ekeýimiz avtokólikpen ótip bara jatyp, jolda qatty jyldamdyqpen kele jatqan sheteldik markaly kóliktiń esigine ilinip qalǵan er adamdy baıqap qaldyq», - dedi elordadaǵy ETs-166/22 kolonııasynyń qyzmetkeri, ádilet kapıtany Dáýlen Meırambekov.
«Kóp uzamaı mashınanyń esigine ilinip qalǵan er adam jolǵa qulap tústi, al sheteldik markaly kóliktiń salonynan (keıinnen anyqtalǵandaı, japa shegýshiniń sózine qaraǵanda, oǵan úsh er adam shabýyl jasap, 1,5 mln. teńge salynǵan sómkesin alyp qoıǵan) belgisiz bireý shaǵyn sómkeni laqtyryp jibergen. Biz jedel oqıǵa ornyna bet aldyq. Ofıtserlerdi baıqap qalǵan kólik salonyndaǵy belgisiz bireýler izderin jasyrmaq boldy, alaıda QAJ qyzmetkerleri qýyp jetip, joldy bógedi. Olarǵa sambo tásilderin qoldanýǵa týra keldi.
Shabýyl jasaý faktisi boıynsha qylmystyq is qozǵaldy. Atap ótetini, ustalǵandar birneshe qylmysqa qatysy bar dep kúdiktelýde», - dedi D. Meırambekov.
