Astanada urylar úı ıelerin uıyqtap jatqanda tonap kelgen
ASTANA. QazAqparat - Elordalyq polıtseıler ashyq tereze arqyly úıge enip, urlyq jasap kelgen qaraqshylardy ustady. Sotqa deıingi tergeý amaldary júrgizilýde. Bul jaıynda Astana qalalyq ІІD baspasóz qyzmetinen málim etti, dep habarlaıdy QazAqparat tilshisi.
«Elorda aýmaǵyndaǵy kópqabatty úılerge terezeden kirý arqyly birqatar páterdi tonady degen kúdikpen eki adam qamaýǵa alyndy. QR QK «urlyq» baby boıynsha sotqa deıingi tergeý amaldary júrgizilip jatyr», - delingen taratylǵan aqparatta.
Máselen, polıtsııa qyzmetkerleri tómengi qabatta ornalasqan páterlerdiń terezesi túngi ýaqytta ashyq turǵandyǵyn paıdalanyp, urlyq jasaǵan degen kúdikpen 23 jastaǵy jergilikti turǵyndy ustady. Ol dál osyndaı tásilmen 4 páterdi tonaǵan.
Sonymen qatar qala aýmaǵynda dál osyndaı urlyqpen aınalysyp kelgen Qaraǵandy oblysynyń turǵyny qolǵa tústi. Bul azamat ta tún ishinde ashyq turǵan tereze arqyly 6 páterge kirip, tonaǵandyǵy belgili. Qaskúnemder zergerlik buıymdar, aqsha jáne uıaly telefondardy alyp ketkendigi anyqtaldy.
Osyǵan oraı elordalyq polıtsııa tómengi qabatta ornalasqan páterlerdiń ıelerine barynsha saq bolýǵa, terezelerin ashyq qaldyrmaýǵa jáne temir tor ornatýǵa keńes beredi.
