Astanada ýran ónerkásibine qatysty ózekti máseleler talqylanyp jatyr
ASTANA. QazAqparat - Astanada ýran ónerkásibiniń ózekti máselelerine arnalǵan halyqaralyq ǵylymı-tájirıbelik konferentsııa ótip jatyr, dep habarlady búgin «Qazatomónerkásip» UAK» AQ-nyń baspasóz qyzmeti.
Sharany «Qazatomónerkásip» ulttyq atom kompanııasy uıymdastyrdy. Álemniń 14 elinen kelgen 200-den astam konferentsııa qatysýshylary arasynda Uranium One, Areva, ıÝrAzııa Enerdjı Holdıngs, «Reaktor Halden» halyqaralyq jobasy sııaqty atom salasynyń jetekshi kompanııalary bar.
Kompanııanyń Óndiris jónindegi bas dırektory Baýyrjan Ybyraev konferentsııa qatysýshylaryna «Qazatomónerkásip» UAK» AQ Basqarma tóraǵasy Asqar Jumaǵalıevtyń quttyqtaý sózin oqyp berdi.
«Konferentsııa adamzatty qajetti kólemde jáne sapaly energııamen qamtamasyz etý salasynda týyndaǵan jahandyq syn-qaterler kezeńinde ótip otyr. Elimiz - álemdik naryqqa energııa resýrstaryn senimdi ári jaýapty jetkizip berýshi. Astana EKSPO-2017 kórmesinde Qazaqstan energııa resýrstaryn tıimdi paıdalaný máselelerine, jańartylatyn jáne balama qýat kózderin, sonyń ishinde atom energetıkasyn damytýdy yntalandyrýǵa álemdik qaýymdastyq nazaryn aýdardy. Qazaqstandyq tabıǵı ýran beıbit atom múddesi úshin aldaǵy ýaqytta da qyzmet etýge daıyn», - dep atap kórsetken Asqar Jumaǵalıev óz málimdemesinde.
Ýran ónerkásibiniń mańyzdy mindetterin sheshý ǵylym men tehnologııa salasyndaǵy halyqaralyq yntymaqtastyqty talap etedi. Qazirgi kezde Qazatomónerkásip óndiristi avtomattandyrý, tsıfrlandyrý jáne robottandyrý salasynda birqatar joǵary tehnologııalyq sheshimderdi belsendi túrde engizýde. Buǵan Tsıfrlyq kenish pen robottandyrylǵan keshendi jatqyzýǵa bolady. Bolashaǵynan zor úsit kúttiretin jobalardyń biri - ýran qory shekteýli shaǵyn ken oryndaryn ıgerýge arnalǵan mobıldik keshen. Ol kompanııanyń kúrdeli shyǵyndaryn edáýir qysqartýǵa jáne óndiris ónimdiligin arttyrýǵa múmkindik beredi.
«Qazir qoldanystaǵy mobıldik keshen tórt jyldan beri jumys istep keledi. Osy aıda taǵy bireýin iske qosamyz. Jalpy, mobıldik keshenniń múmkindikterin ulǵaıtýdy josparlaǵanbyz. Birinshiden, jyl boıy jumys isteıtin rejımge kóshiremiz. Keshen múmkindikterin keńeıtip, sırek jáne sırek jer metaldaryn óndirýge de paıdalanǵymyz keledi. Bul joba qazirdiń ózinde sheteldik áriptesterimizdiń úlken qyzyǵýshylyǵyn týdyryp otyr», - dedi Baýyrjan Ybyraev.
Atom ındýstrııasy men ýran ónerkásibin damytýdyń ǵalamdyq úrdisi álemniń jetekshi ıadrolyq kompanııalarynyń, kásibı bilikti mamandar men ǵalymdardyń ǵylymı-tehnıkalyq salada birigýi qajettigin kózdeıdi. «Qazatomónerkásip» UAK» AQ osy maqsatta ár eki jylda «Ýran ónerkásibiniń ózekti máseleleri» halyqaralyq ǵylymı-tájirıbelik konferentsııasyn ótkizip turady.
Osymen segizinshi ret uıymdastyrylyp otyrǵan bıylǵy konferentsııanyń basty mindeti - ǵylymı qyzmetkerler men óndiristegi mamandardyń otandyq jáne sheteldik atom salasy kásiporyndarynyń turaqty órkendeýi úshin mańyzdy ǵylymı-tehnologııalyq mindetter men olardy sheshý joldaryn talqylaıtyn ashyq áńgime alańyn usyný.
Konferentsııanyń sektsııalyq otyrystarynda talqylanatyn máseleler de aýqymdy. Ýrannyń mıneraldy-shıkizat bazasyn ulǵaıtý jáne nyǵaıtý, ony boljaý men barlaýdyń qazirgi zamanǵy ádisteri, jerasty shaımalaý tehnologııasynyń tıimdiligi men qarqyndylyǵyn arttyrý máseleleri, reaktorǵa deıingi ıadrolyq-otyn tsıklynyń - konversııa, ıadrolyq otyn óndirisiniń ózekti máseleleri, sırek, sırek jer metaldarynyń resýrstary jáne solardyń negizindegi joǵary tehnologııalyq ónim óndirýdiń tıimdi tehnologııalary, sondaı-aq atom salasy kásiporyndarynyń qaýipsiz jumys isteýi jáne tehnogendi qaldyqtardy basqarý sııaqty kóptegen taqyryptar talqyǵa túsedi.
«Ýran ónerkásibiniń ózekti máseleleri» VIII halyqaralyq ǵylymı-tájirıbelik konferentsııasynyń jumysy 2017 jyldyń 5 tamyzyna deıin jalǵasady.
