Astanada Úndistan mádenıeti kúnderiniń aıasynda «Dementia» (Dementııa) rok tobynyń qatysýymen úlken kontsert ótedi
ASTANA. 18 qazan. QazAqparat - QR Mádenıet jáne aqparat mınıstrligi men Úndistan Respýblıkasynyń Qazaqstan Respýblıkasyndaǵy Elshiliginiń birlesýmen 23 qazan kúni saǵat 19.00-de Astana qalasyndaǵy Kongress-Holl saraıynda Úndistan mádenıeti kúnderiniń aıasynda «Dementia» (Dementııa) rok tobynyń qatysýymen úlken kontsert ótedi, dep habarlady Mınıstrliktiń baspasóz qyzmeti.
«Dementia» toby Úndistandaǵy tanymal rok ujymdardyń biri. Top djaz, fank, blıýz janrlarynyń áýenderinen turatyn erekshe mýzyka stılin ustanady. «Dementııa» toby Úndi folklorynyń áýenderine zamanaýı mýzykany qosyp, úndi tyńdarmandaryn az ýaqyt arasynda ózine qaratty. Jyl saıyn top jańa kontserttik baǵdarlamalarymen ózge de elderdiń úlken sahnalarynda kózge kórinip júr. «Dementııa» toby óziniń qaıtalanbas stılimen erekshelenedi.
