Astanada úndi klassıkalyq bıi óneriniń kontserti ótedi
ASTANA. 3 sáýir. QazAqparat - 2013 jyldyń 9 sáýirinde L.N. Gýmılev atyndaǵy Eýrazııa Ulttyq Ýnıversıtetiniń oqý-zerthanalyq ǵımaraty zalynda Halyqaralyq Bı kúnine arnalǵan Úndi halqynyń Kathak klassıkalyq bıin oryndaýshy, álemge tanymal Úndistannan kelgen Pandıt Radjendra Ganganı men Svatı Sınha hanym jáne «Almaty-Qazaqstan, Úndi klassıkalyq bıi ortalyǵynyń» qatysýymen merekelik kontsert bolady.
Kontserttiń ótkizilýine Úndistannyń Qazaqstandaǵy Elshiligi qoldaý kórsetip otyr.
Bul týraly «Úndi klassıkalyq bı ortalyǵynyń» baspasóz qyzmeti habarlady.
Halyqaralyq Bı kúnin merekeleýde bı arqyly ertedegi úndi halqynyń rýhanı mádenıeti jáne gýmanızm men optımızmge toly ómirinen málimet beredi. Úndi halqynyń mádenı damýy men bolashaǵy týraly búkil álem moıyndaǵandaı qazaqstandyqtar da asa bir súıispenshilikpen aıtady.
Pandıt Radjendra Ganganı - qazirgi kezde Úndiniń klassıkalyq Kathak bıin sheber oryndaýshylarynyń biri. Óziniń ónerimen, sahnalyq mádenı sheberligimen Radjendra - jańa baǵytta ónerin shyǵarmashylyqpen damytyp kele jatqan ártis. Kóptegen jyldar boıy Djaıpýr Gharana Kathak bıin oryndaýshylar januıasynda týylsa da, ol ózin týma talant dep eseptemedi. Onyń kúnbe-kúngi maqsatty túrdegi jattyǵý jumystary ony Kathak Djaıpýr mektebiniń jarqyn juldyzyna aınaldyrdy. Pandıt Radjendra Ganganı óziniń kontserttik baǵdarlamasymen búkil álemdi: TMD elderin, Ulybrıtanııa, AQSh, Italııa, Germanııa, Frantsııa, Qytaı, Japonııa, Aýǵanstan, Skandınavııa elderin jáne basqa da elderdi aralady.
Daryndy mýzykant Pandıt Radjendra Ganganı horeografııalyq shyǵarmalarǵa án jazyp qana qoımaı, úndi halqynyń barlyq aspaptarynda oınaı alady. Radjendra birneshe ret joǵary marapattardy ıelengen. 1995 jyly Qytaıdyń Beıjiń qalasynda ótken 11 eldiń arasynda ótken bı festıvalinde «Úzdik oryndaýshy» marapatyn alǵan. 2003 jyly Úndi halqynyń óneri aımaǵynda aldyńǵy qatarly «Sangeet Natak Academy Award» marapatyn ıelengen. Jaqynda Radjastannyń «Sangeet Natak Academy Award» marapatyn ıelendi. Qazirgi kezde Úndistandaǵy Nıý Delı Kathak Kendra tanymal bı ınstıtýttarynyń professory.
Pandıt Radjendra Ganganı - bıshi, oryndaýshy, kompozıtor, mýzykant qana emes, ol - birneshe jyldar boıy kásibı bıshiler daıarlaǵan kásibı Gýrý - Ustaz. Ol - óziniń ata-babalarynyń dástúr-saltyn Kathak bıi arqyly Úndistanda ǵana emes, basqa da shet elderge nasıhattaýshy.
Svatı Sınha hanym - qazirgi kezde Úndiniń klassıkalyq úlgidegi Kathak bıin Ustaz-Gýrý Radjendra Ganganıdiń jattyqtyrýymen Djaıpýr stılinde sheber oryndaýshylardyń biri. Svatı Sınhanyń bı ónerinde tartymdy, shıraq, mánerli qasıetterimen ózindik stıli bar.
Hanym Svatı Sınha álemniń barlyq qıyryndaǵy óner festıvalderine qatysqan. Úndistanda: Khajuraho Dance Festival; Soorya festival,Trivandrum; Konark festival; Kathak Mahotsava, Delhi; Delhi International Arts Festival óner festıvalderine qatysqan.
2005 jyly Pandıt Radjendra Ganganıdiń jetekshiligimen Svatı Sınha «Muniparampara» Bı Akademııasyn ashty. Jaqynda «Kriti» bı kompanııasyn ashty. Svatı Sınhanyń klassıkalyq sheberligin ıogalyq oryndaýshylyǵy tolyqtyra túsedi. Ol Kathaktyń dástúrli stılin saqtaı otyryp, jańa shyǵarmashylyq qımyldarmen damyta túsýde.
«Almaty-Qazaqstan, Úndi klassıkalyq bıi ortalyǵy» - Qazaqstanda jáne Ortalyq Azııada jalǵyz jáne birinshi halyqaralyq dárejesi bar mekeme. Ortalyq jumysynyń maqsaty - adamnyń fızıkalyq jáne rýhanı álemin damytý, úndi halqynyń klassıkalyq bıi arqyly jeke tulǵanyń shyǵarmashylyq deńgeıin anyqtaý jáne organızmdi saýyqtyrý, ár ulttyń ókilderin túsinýshilik pen yntymaqqa shaqyrý, Qazaqstan men Úndistannyń mádenı baılanysyn nyǵaıtý, eki eldiń arasyndaǵy mádenı baılanysty taný.
Jobanyń jetekshisi - úndi klassıkalyq bı ortalyǵynyń dırektory jáne horeografy Aqmaral Qaınazarova. Ol úndi klassıkalyq bı óneriniń magıstri, ıÝNESKO janyndaǵy Parıjdegi Halyqaralyq Bı keńesiniń múshesi, Mádenıet Qaıratkeri.
ıÝNESKO-nyń sheshimimen 1982 jyldyń 29 sáýiri - Halyqaralyq bı kúni bolyp jarııalandy.
Halyqaralyq bı kúni barlyq halyqtyń mádenı-tarıhı baǵyttaryn biriktire otyryp, saıası- tarıhı jáne mádenı shekaralardy biriktirýdi kózdeıdi.
Kontsertke kirý tegin.
