Astanada Ulybrıtanııanyń sottalǵandardy qoǵamǵa qaıta beıimdeý tájirıbesi talqylanýda
«Ulybrıtanııa Qazaqstannyń sottalǵandarǵa qatysty probatsııa júıesin engizý boıynsha jasap jatqan qadamdaryn durys dep sanaıdy. Probatsııa júıesi tıimdi ekenin bilemiz. Sebebi ol basty úsh nátıje beredi: el men qoǵamǵa qaýipsizdik ákeledi, úzdik probatsııa men sottalǵandardy ońaltý júıesi olardyń qoǵamǵa jyldam beıimdeıdi, úshinshiden, bul bıýdjet qarjysyn únemdeıdi, sebebi sottalǵandar sany azaıyp, memleketke salmaq azaıa túsedi», - deıdi Ulybrıtanııada penıtıtsıarlyq júıesi reformasynyń sarapshysy Djonatan Aıtken.
D.Aıtkenniń pikirinshe, Qazaqstan túrme júıesi reformasyn jetildire túsý qajet.
«Adam qatelik jasap, túrmege túsedi. Qoǵam qur jaza qoldanyp qana qoımaı, odan da úlken ister jasaýy tıis. Sondyqtan álemde osy máseleni sheshýdiń jańa joldaryn izdeýde jáne men Qazaqstannyń bas bostandyǵynan aıyrý oryndarynan bosatylǵan jáne probatsııa qyzmetiniń esebinde turǵan azamattardy áleýmettik ońaltýdyń keshendi strategııasyn jasaqtap jatqanyna qatty rızamyn», - deıdi EQYU-nyń Astanadaǵy keńsesiniń basshysy Derddý Sabo.
Aıta keteıik, «Probatsııa týraly» zań QR Parlamentiniń qaraýyna 2016 jyldyń qyrkúıeginde túsýi tıis. 
