Astanada Uly Jeńistiń 65 jyldyǵyn atap ótýge arnalǵan negizgi is-sharalar mamyrdyń 7-9 aralyǵynda ótedi
Bul týraly búgin «Uly Jeńis - ardagerlerdiń taǵdyrynda» atty aktsııasynyń bastalýyna oraı elorda ákimdiginde ótken jıynda málim boldy.
Mamyrdyń 6-sy kúni, Astana qalasy saltanatty sharalarǵa qatysý úshin Qazaqstannyń túkpir-túkpirinen keletin ardagerlerdi qarsy alatyn bolady.
Mamyrdyń 7-si kúngi sharalar 1941-1945 jyldarǵy maıdanda jaraqattanyp, qaza bolǵan jaýyngerlerdiń zıratyna (qalalyq zırat, saǵat 9.00-de) gúldestelerin qoıý rásiminen bastalady. Odan keıin Baýyrjan Momyshulynyń eskertkishine taǵzym etilip, gúl shoqtary qoıylady (saǵat 11:00). Táýelsizdik saraıynda ótetin (15:00-de) salnatty jıyn men merekelik kontsertten keıin, ardagerlerdi Elbasy N.Nazarbaev qabyldaıtyn bolady (17:00).
Mamyrdyń 8-i kúni, «Otan qorǵaýshylar» monýmentiniń aldyna gúldestelerin qoıý rásimi, sahnalanǵan qoıylym men kontsert (11:00) uıymdastyrylady. Kúni boıy qaladaǵy ashyq alańdarda, atap aıtqanda eski ortalyq alańda, Jastar saraıynyń jazǵy sahnasynda, Qarjy mınıstrliginiń aldyndaǵy alańda, Elorda saıabaǵynda, Baýyrjan Momyshuly saıabaǵynyń amfıteatrynda jáne «Araı» saıabaǵynda úrmeli orkestrler oınaıtyn bolady.
Al mamyrdyń 9-y kúni, «Qazaq eli» monýmentinen bastap «Otan qorǵaýshylar» monýmentine deıin Uly Jeńistiń 65 jyldyǵyna arnalǵan azamattyq sherý bolady (bastalýy 10:00-de). Ashyq alańdardaǵy úrmeli orkestrlerdiń kontserti osy kúni de jalǵasyn tappaq. «Otan qorǵaýshylar» monýmentiniń alańynda QR Qorǵanys mınıstrligi Ortalyq án-bı ansambliniń kontserti ótse, keshqurym KSRO-nyń halyq ártisi Álibek Dinishevtiń Jeńis kúnine arnalǵan jeke kontserti (Kongress-Holl, 17:00) bolady.
Merkelik is-sharalardy keshki saǵat 22:00-de Astana aspanyn kómkeretin ot-shashýlar támamdaıdy.
