Astanada «Ýly tútinnen saqtan» aktsııasy bastaldy
ASTANA. QazAqparat - Astanada 1 qarashada «Ýly tútinnen saqtan» aktsııasy bastaldy. Elordanyń TJ Departamenti qala turǵyndary men qonaqtaryn ózderin jáne jaqyndaryn «tilsiz jaýdan» qorǵaý úshin órt qaýipsizdigi erejelerin saqtaýǵa shaqyrady.
Qutqarýshylardyń málimetterine sáıkes, ústimizdegi jyldyń 10 aıynda Astanada 595 órt oqıǵasy tirkelgen, onda 16 adam qaza tapty.
Órt oqıǵalarynyń jıilep ketýine jáne adam qazasynyń kóbeıýine baılanysty Astana qalasynyń TJ departamenti peshpen jylytý júıesindegi aqaý bólmege ýytty ónimderdiń taralýy nátıjesinde ýly tútinnen ýlanýǵa alyp kelýi múmkin.
Jyl saıyn sýyq túsip, jylytý maýsymynyń jaqyndaýyna baılanysty órt qaýipsizdigi aılyǵy jarııalanady, onyń sheńberinde departament qyzmetkerleri úılerdi aralap, reıd ótkizedi. Tekserý barysynda peshterdiń jáne tútin murjalarynyń qurylysyna basa nazar aýdarylady. Buzýshylyqtar baıqalatyn bolsa, úı qojaıyndaryna olardy joıý boıynsha keńester berilip, jadnamalar tabys etiledi. Sondaı-aq, qutqarýshylar saqtyq sharalary týraly aıtyp, ýly tútinnen zardap shekkenderge alǵashqy kómek kórsetý erejelerin túsindiredi, dep habarlaıdy elorda ákimdiginiń resmı saıty.
